iPhone 3G ကို ကလိရအောင်

ကဲ Iphone ချစ်တဲ့ကိုကိုမမတို့ကို သတင်းလေးတစ်ခုပေးပါရစေ။ သိပြီးသားဆိုရင်လဲအရင်ကြိုတောင်းပန်ထားမယ်နော်။ Iphone သုံးတဲ့သူများအနေနဲ့ Apple ရဲ့ App Store ကနေပြီးတော့ Iphone အတွက် Application မျိုးစုံကို download ချသုံးရတယ်ဆိုတာသိပြီးဖြစ်မှာပါ။ ဒါပေမယ့် တစ်ချို့သော user များအနေနဲ့ 3rd party application တွေကို ဘယ်လိုရယူသုံးစွဲနိုင်သလဲဆိုတာသိမှာမဟုတ်ပါဘူး။ ဒါကြောင့် အချင်းချင်းလက်တို့တဲ့အနေနဲ့ ဒီပိုစ့်လေးတင်လိုက်ရတာပါ။ 3rd party application ဆိုတာဘာလိုဟာမျိုးကိုပြောတာလဲလို့မေးရင် Apple ရဲ့ တရားဝင် App Store ကနေပြီးတော့ရယူတာမဟုတ်တဲ့အခြားသော Application များကိုခေါ်ခြင်းဖြစ်ပါတယ်။ အဲဒီ 3rd party application တွေက များသောအားဖြင့်


Free application တွေပါပဲ။ App store ထက်သာတဲ့ အချက်က ပိုမိုကောင်းမွန်တဲ့ Application များရှိလို့ပါပဲ။ ဥပမာအနေနဲ့ App store မှာ ဘယ်လိုမှမရနိုင်တဲ့ video recorder လိုမျိုး application တွေက 3rd party တွေမှာပဲရနိုင်ပါတယ်။ ဒါကြောင့် iphone user တွေဟာ jailbreaker software တွေနဲ့ 3rd party application တွေကို download ရယူနိုင်တဲ့ installer , cydia တို့လိုမျိုး application downloader တွေကို iphone ထဲကိုသွင်းကြပါတယ်။ အခု မြန်မာက iphone user တွေလဲစိတ်ဝင်စားတယ်ဆိုရင် အောက်မှာပေးထားတဲ့ ဖိုင်နှစ်ခုကို ဒေါင်းလုပ်လုပ်ပြီးလွယ်လွယ်ကူကူနဲ့ application တွေရယူနိုင်ပါပြီ။
Quickpwn software(to make jailbreak)
http://ifile.it/18970m2
Iphone latest firmware (2.2.1 H511)
http://appldnld.apple.com.edgesuite....a_Restore.ipsw

Quickpwn နဲ့ iphone firmware ကို download လုပ်ပြီးပြီဆိုရင်တော့ အောက်ပါအတိုင်းပြုလုပ်ပါ။
၁။ quickpwn setup ကို run ပါ
၂။ Iphone နဲ့ computer ချိတ်ဆက်ပြီးဖြစ်ပါစေ။
၃။ ပထမဆုံးပေါ်လာတဲ့ quickpwn program page မှာ next ကိုနှိပ်ပါ။
၎။ သင်ဒေါင်းလုပ်လုပ်ထားသော iphone firmware ကို browse တွင်ရှာပေးလိုက်ပါ။
၅။ iphone recovery state အတွက် ခေတ္တစောင့်ပါ။
၆။ Home button ကိုနှိပ်ထားပါဟုပြောလျှင် မလွှတ်တမ်းဖိထားပါ။
၇။ power button နှင့် home button ပူးတွဲဖိနှိပ်ထားပါဟုပြောလျှင် ယခင် home button နှိပ်ထားသော လက်ကိုမဖြုတ်ပဲ power button ပါထပ်နှိပ်ထားပေးပါ။
၈။ power button ဖြုတ်ပြီး home button သာ နှိပ်ထားပါဟုပြောလျှင် home button နှိပ်ထားသောလက်ကိုသာဆက်လက်ဖိထားပါ။
၉။ jailbreak successful ဟုပြပါလိမ့်မည်။ သင့်၏ဖုန်း restart လုပ်နေပါပြီဟုပြောလျှင် home button နှိပ်ထားသောလက်ကိုလွှတ်နိုင်ပါပြီ။
၁၀။ ဖုန်း restart ပြန်တက်လာလျှင် home screen မှာ cydia , installer , quickpwn icon အသစ် ၃မျိုးကိုမြင်နိုင်ပါတယ်။

cydia မှာ videorecorder3g ဟုရိုက်ပြီး iphone တွင် video ရိုက်ရန် application ကိုရှာနိုင်ပါသည်။
videorecorder3g application မှာ free ware မဟုတ်ပါ။ သို့သော် ကျွန်တော့်တွင်ရှိသော registeration code မှာ xumiqdikni ဖြစ်ပါတယ်။ စစအသုံးပြုခြင်းမှာ registration code ရိုက်ပေးလိုက်ပါ။ case sensitive ဖြစ်ပါသဖြင့် ရှေ့ဆုံး x မှာ အသေးဖြစ်ရန်ဂရုစိုက်ပါ။ အခြားသော 3rd party application များကိုတော့ ကိုယ်တိုင်ရှာကာအသုံးပြုကြပါ။ cydia ကော installer ပါ application downloader တွေပါပဲ။
အားလုံး iphone ကိုင်ရင်စိတ်ချမ်းမြေ့ကြပါစေ။
ဆက်ကြည့်ရန်...

အိပ်မက်ဆိုးမှနိုးထစေသော်

အားလုံးအိပ်မက်ဆိုးက နိုးထသင့်နေပါပြီ မနိုးကြသေးပဲဆက်လက်မက်နေအုံးမယ်ဆိုရင်ဖြင့် နောက်မျိုးဆက်သစ်တွေအတွက်ရင်လေးစရာကောင်းနေလို့ပါ။ဘာအတွက်ကြောင့်နှစ်၄၀ကျော် ၅၀နီးပါကြာအောင် တစ်ယောက်နဲ့တစ်ယောက် တိုက်ခိုက်ဖက်ပြိုင်နေကြတာလဲဆိုတာနားမလည်နိုင်အောင်ဖြစ်ရပါတယ်။လူကြီးတွေကိုတိုင်က
တစ်ယောက်တစ်မျိုးဆိုနောက်မျိုးဆက်သစ်တွေကလည်းတစ်ယောက်တစ်မျိုး မျိုးဆက်သစ်တွေဖြစ်လာမှာဖြစ်တဲ့အတွက် စည်းလုံးကြဖို့စဉ်းစားသင့်ပါပြီ။ ကျွန်တော်တို့ဘိုးဘွားတွေကအသက်နဲ့ရင်းပြီးနိုင်ငံကိုတည်ထောင်ပေးသွားတာပါဒါကိုထိန်းသိမ်းရုံပဲလိုတဲ့
ကျွန်တော်တို့ကမထိန်သိမ်းနိုင်ဘူးဆိုဘိုးဘွားတွေမျက်နှာကိုအိုးမဲသုတ်ရာကြသလိုနိုင်ငံတကာအလယ်မှာ
ရှက်စရာကောင်းလှပါတယ်.ခုတော့ကိုယ့်အမျိုးသားရေးပြသာနာကိုတစ်ပါးသူဆီအကူအညီတောင်းခံနေရသည်မှာ
ရှက်စရာကောင်းသလိုကိုယ့်အမျိုသားချင်း စည်းလုံးစွာလုပ်ကိုင်နိုင်စွမ်းမရှိကြောင်းပြသနေသကဲ့သို့ရှိနေသည်။ယခုချိန်တွင် မည်သူ့ကိုမျှ အပြစ်တင်စကားမပြောလိုပါ ညီအကိုမောင်နှမ တိုင်းရင်းသားအားလုံးစည်းလုံးစွာနဲ့ပြည်ထောင်စုအဓွန့်ရှည်တည်တန့်ဖို့ကြိုးစာကြပါရန်တိုက်တွန်းးချင်ပါသည်။ အဘယ်ကြောင့်ဆိုသော် ကျွန်တော်သိလိုက်ရသည်မှာ ကျွန်တော်တို့ရဲ့ အမျိုးသားရေးဟာ တိုင်းရင်းသားချင်းပွင့်လင်းစွာထုတ်ဖော်လုပ်ဆောင်ချင်းမရှိသောကြောင့်ဟုထင်မြင်မိပါသည်။မြန်မာလူမျိုးတို့၏
ထုံးတမ်းစဉ်လာအတိုင်းရှေ့ ကဦးဆောင်မလုပ်နိုင်ကြပဲအပစ်တင်ကဲ့ရဲနေကြခြင်းကများသည်ဟု ထင်မြင်မိပါသည်။မည်သည့်ဖက်မှတထစ်ချမလိုက်လိုပါ သို့သော် လူထုအတွက်စဉ်းစားသော ကိုယ်စားပြုသောအဖွဲ့စည်းကိုမူထောက်ခံအားပေးရမည်ဖြစ်သည်။ ညီအကိုမောင်နှမသားချင်း သွေးချောင်းစီးနေသော အဖြစ်မျိုးမှရှောင်ကြဉ်သင့်ကြပါပြီ။ ထိုသို့ဆောင်ရွက်ရန်အတွက် မူဝါဒတစ်ချို့  ချမှတ်ရန်လိုအပ်ပါသည်။ ၎င်းမှာ ၁. လက်ရှိဖြစ်ပေါ်လျက်ရှိသော ပြသာနာများစွာအတွက် တရားခံရှာခြင်းထက် အားလုံးစုပေါင်းကာအကောင်းဆုံးနှင့်လုပ်ကိုင်ရန်အဆင်ပြေဆုံးယာရီမူဝါဒချမှတ်ရန်။ ၂. ၎င်းမူဝါဒကို အခြေခံပြီး ယာယီခေါင်းဆောင်ရွေးချယ်ရန် ၃.သက်ဆိုင်ရာတိုင်းရင်းသား လူမျိုးများအားလည်း တာဝန်ခွဲဝေကာ ပေးအပ်ရန်။ ၄. အကြမ်းဖက်မှုနှင့် တစ်ဦးတည်း အာဏာချုပ်ကိုင်ထားမှုကိုတားဆီးရန့််။၅.နိုင်ငံတွင်လက်နက်ကိုင်စစ်တပ်အဖွဲ့စည်းတစ်ခုသာ ထားရှိရန်။၆.ကြားနေသော နိုင်ငံကြားရေးမူဝါဒထားရှိရန်။ ကျွန်တော့တွင်မည်သည့်အတွေ့ကြုံ မှမရှိသော်ငြားလည်း မိမိ၏ကိုယ်ပိုင် ထင်မြင်ချက်ကို မျှဝေချင်သော စိတ်သက်သက်ဖြင့်သာရေးသားခြင်းဖြစ်ပါသည်။ ကိုယ်ကျိုးထက် တစ်မျိုးသားလုံးအတွက် ခေါင်းဆောင်နိုင်သော ဗိုလ်ချုပ်အောင်ဆန်းလို ခေါင်းဆောင်းမျိုးမြန်မာ့ရာဇဝင် တွင်ထပ်မံ ပေါ်ထွက်လာစေချင်သော ဆန္ဒဖြင့် ရေးသားခြင်းဖြစ်ပါသည်။ ဆက်ကြည့်ရန်...

သက်ငယ်စကား သက်ကြီးကြားစေရန်

ကျွန်တော်ငယ်ငယ်တုန်းက အတန်းထဲမှာ သူငယ်ချင်းတစ်ယောက်ရဲ့ စာအုပ်ကိုယူပြီး ပုံတွေဆွဲမိပါတယ်။ သူငယ်ချင်းက ဆရာမကိုတိုင်တော့ ကျွန်တော်ကိုခေါ်ပြီး ဆုံးမပါတယ်။ အဲဒီနောက်ပိုင်းမှာ ကျွန်တော် သူတပါး ထိခိုက်မယ့် ကိစ္စမျိုးကို အတတ်နိုင်ဆုံးရှောင်နိုင်ခဲ့ပါတယ်။ ကျွန်တော့်ကို ဆရာမပြောခဲ့တဲ့ စကားလေးက “ကိုယ့်မကြိုက်တဲ့ အပြုမူကို သူတပါးအပေါ်မှာလဲ မလုပ်ပါနဲ့တဲ့”။ အခုဆရာမ ဆုံးမခဲ့သလို ဆုံးမပေးဖို့ ကိစ္စပေါ်လာပါပြီ။ အရင်တလောက Online Movie ဆိုဒ်နှစ်ခု စကားများရန်ဖြစ်ကြပြီး လူငှားရိုက်ဖို့လောက်ထိဖြစ်ခဲ့တာကိုမှတ်မိမယ်ထင်ပါတယ်။ မသိတဲ့သူတွေကိုလဲ
အကျဉ်းလေးလောက်ပြောပြပါမယ်။ Burmese classic မှ Movies တွေကို Free Myanmar Vcd မှ ကူးယူပြသတာကြောင့် BC ပိုင်ရှင်မှ FMV ပိုင်ရှင်ကို မကူးယူဖို့ပြောကြတဲ့နေရာမှာ FMV ဘက်ကလိုက်နာခြင်းမရှိလို့ လူငှားရိုက်မယ်ဆိုတဲ့အထိဖြစ်လာပါတယ်။ အဲဒီ အချိန်တုန်းကတော့ ကျွန်တော်FMV ဘက်ကလွန်တယ်လို့မြင်ခဲ့ပေမယ့် အခုတော့ နှစ်ဦးလုံးအတူတူနဲ့အနူနူတွေပါပဲလို့သိလိုက်ရပါတယ်။ ဘာကြောင့်လဲဆိုတော့ BC ကလဲ သူများဆီက ခိုးယူထားတာတွေရှိနေလို့ပါပဲ။ ကျွန်တော် မနေ့က mmgeeks ဆိုဒ်မှာ ဝင်ဖတ်ကြည့်တော့ သတင်းတစ်ခုကိုတွေ့လိုက်တယ်။ User: Thet Htwe တင်ပေးထားတဲ့သတင်းလေးပါ။ BC ကစာအုပ်စင်ကဏ္ဍမှာရှိတဲ့ စာအုပ်တွေက အခြား Free E-books ဆိုဒ်တွေက ရယူထားတဲ့စာအုပ်တွေဖြစ်ပြီးတော့ စာအုပ်တွေကို သူတို့ကိုယ်ပိုင် တံဆိပ်တွေတပ်လိုက်ပါတယ်။ ရှင်းရှင်းလေးပါ သူများစာအုပ်ကိုသူ့စာအုပ်လုပ်တယ်ပေါ့။ အကြောင်းပြချက်ပေးထားတာက မသမာသူများ စီးပွားဖြစ်ရောင်းချလို့မရအောင်ပါတဲ့။ မသမာသူဆိုတာ ဘယ်သူ့ကိုပြောတာလဲမသိဘူး။ သူ့ကိုယ်သူပြောတာများလားပဲ။ သူ ခိုးယူထားတဲ့ စာအုပ်တွေမှာ အရင်ကတည်းက သက်ဆိုင်ရင် စာအုပ်ပိုင်ရှင်များရဲ့ တံဆိပ်တွေပါပြီးသားပါပဲ။ အဲဒါကို သူတို့က စာအုပ်ရဲ့ header နဲ့ footer မှာ သူတို့ တံဆိပ်တွေ အစားထိုးလို့ရအောင် software တွေသုံးပြီး တကူးတက လုပ်ထားတာက စေတနာတွေလို့ပြောမလား။ ကိုယ် မနှစ်သက်တဲ့ အပြုအမူတွေကို သူများအပေါ်မလုပ်ပါနဲ့ဆိုတဲ့ စကားလေးကို BC မှ တာဝန်ရှိသူတွေကိုပြောပြမယ့်သူ မရှိကြဘူးထင်ပါတယ်။ ဒါကြောင့် ကျွန်တော်ကပဲ ဒီနေရာကနေပြောလိုက်ပါတယ်။ နောက်နောင် အဲဒီလို ကိစ္စမျိုးတွေမလုပ်မိပါစေနဲ့လို့ စေတနာနဲ့ သတိပေးလိုက်ပါတယ်။ မဟုတ်ရင်တော့ Online မှာ နာမည်ပျက်သွားပါလိမ့်မယ်။

Original news: http://www.mmgeeks.org/forum/viewtopic.php?f=90&t=1182

ဆက်ကြည့်ရန်...

ဒုတိယ ကမ္ဘာစစ်အတွင်းက ဂျပန်စစ်တပ်

ဒုတိယကမ္ဘာစစ် အတွင်းက မြန်မာပြည်ကိုဝင်ရောက်လာခဲ့တဲ့ ဂျပန်ဘုရင့်တပ်မတော်ရဲ့ရက်စက်မှုတွေကိုရိုက်ပြထားတာပါ။ ထိုအချိန်က မြန်မာပြည် အခြေအနေတွေကိုလဲရိုက်ပြထားတာပါတယ်။ ကြည့်သင့်တဲ့ Video လေးမို့ပြန်လည်ဝေငှလိုက်ပါတယ်။

ဆက်ကြည့်ရန်...

ကြက်ဆူဆီဖြင့် လေယာဉ်များပျံသန်းနိုင်ဖွယ်ရှိ

လောင်စာဆီတွင် ကြက်ဆူဆီတစိတ်တပိုင်းမျှ ရောနှောထားသည့် စက်သုံးဆီဖြင့် မောင်းနှင်ခဲ့သည့် ခရီးသည်တင် လေယာဉ်ပျံတစ်စင်း၏ စမ်းသပ်ပျံသန်းမှုကို နယူးဇီလန် လေကြောင်းလိုင်းက အောင်မြင်စွာ အကောင်အထည် ဖော်နိုင်ခဲ့ကြောင်း သိရှိရသည်။ ကမ္ဘာ့ပတ်ဝန်းကျင် ထိန်းသိမ်းရေးအတွက် အနာဂါတ်ကာလ စွမ်းအင်ထုတ်လုပ်မှုတွင် ဇီဝလောင်စာများ အစားထိုးသုံးစွဲနိုင်ရေး ရည်ရွယ်ချက်၏ အရေးပါသော ခြေလှမ်းတစ်ခုအဖြစ် စမ်းသပ်ပျံသန်းခဲ့သော အဆိုပါ ဘိုးအင်း 747-400လေယာဉ်တွင် jatrophaခေါ် ကြက်ဆူစေ့မှရရှိသော ဆီတစ်ဝက်နှင့် A1အဆင့်ရှိ လေယာဉ်ဆီတစ်ဝက်တို့ကို ရောနှောပြီး လောင်စာအဖြစ် အသုံးပြုခဲ့ရာ (၂)နာရီကြာမြင့်သော ခရီးစဉ်ကို ချောမောစွာ အောင်မြင်နိုင်ခဲ့ကြောင်း နယူးဇီလန် လေကြောင်း အာဏာပိုင်များက ကြေညာခဲ့သည်။




အုတ်ကလန်တွင် ပြီးခဲ့သော သီတင်းပါတ်အတွင်းက အစမ်းပျံသန်းခဲ့သည့် ရလဒ်များအားလုံး ကျေနပ်စရာဖြစ်ကြောင်း လေယာဉ်မှူး ဒေးဗစ်မော်ဂန်က ဆိုသည်။ ယခုလောင်စာအား အသုံးပြုပျံသန်းနေစဉ် ဆီစနစ်ရော၊ အင်ဂျင်ပိုင်းတွင်ပါ ချွတ်ယွင်းမှု တစုံတရာ မတွေ့ခဲ့ဟု ၎င်းက ပြောကြားသွားသည်။ ယခုကဲ့သို့ ဇီဝစွမ်းအင်သုံး လောင်စာဆီများ အသုံးချလာခြင်းဖြင့် လေထုညစ်ညမ်းမှုကို ဖြစ်ပေါ်စေသည့် ကာဗွန်စွန့်ထုတ်မှုများ လျှော့ချနိုင်မည်ဟု ပညာရှင်များက ပြောဆိုထားသည်။ ဒုတိယမျိုးဆက် ဇီဝလောင်စာများဟု သတ်မှတ်ထားသော ကြက်ဆူဆီသည် သမားရိုးကျ အီသနောကဲ့သို့ ဇီဝလောင်စာများထက် အသုံးတွင်ကျယ်နိုင်မည်ဟု သိပ္ပံပညာရှင်များက မျှော်လင့်ထားကြပြီး (၂၀၁၇)ခုနှစ်တွင် ကမ္ဘာပေါ်ရှိ လေယာဉ်များအားလုံး ဇီဝစွမ်းအင်ဖြင့် ပျံသန်းနိုင်ရေး ဦးတည်ဆောင်ရွက်သွားမည်ဖြစ်သည်။ သို့သော်လည်း ဇီဝစွမ်းအင်များ သုံးစွဲမှု မြင့်တက်လာလျင် သီးနှံစိုက်ခင်းများအတွင်း အစားအသောက်အတွက်ထက် လောင်စာအတွက် ဦးစားပေးကာ စိုက်ပျိုးလာခြင်းဖြင့် ကမ္ဘာ့စားနပ်ရိက္ခာ ထုတ်လုပ်မှုအတွက် ထိပါးမှုအချို့ ရှိလာနိုင်ကြောင်းလည်း ဝေဖန်မှုများ ထွက်ပေါ်နေဆဲဖြစ်သည်။

မူလသတင်းစဉ် - Planet
ဆက်ကြည့်ရန်...