ဘလောခ့်အကယ်ဒမီ နဲ့ လူကြမ်းဆု

ကျွန်တော်စာမရေးဖြစ်တာကြာပါပြီ။ မအားတာရယ် ရေးစရာအကြောင်းမရှိတာနဲ့မရေးဖြစ်တာ အခုဆို ၃ပတ်လောက်ရှိရောပေါ့။ ဒီကြားထဲမှာ သူများတွေရေးထားတာကိုပဲလျှောက်ဖတ်ပြီး ပညာယူနေခဲ့တယ်လေ။ အခုရေးဖို့အကြောင်းဖန်လာတော့လဲ မရ ရတဲ့အချိန်ဆွဲထုတ်ပြီးရေးဖြစ်တာ။ ဒီတလော ဘလောခ့်တွေပေါ်မှာ ထူးထူးခြားခြားဖြစ်နေတဲ့ သတင်းလေးက ဘလောခ့်အကယ်ဒမီ ပေးပပွဲကျင်းပမယ်ဆိုတဲ့အကြောင်းလေးပါပဲ။ အဲဒီ အကယ်ဒမီပေးပွဲကို MBA လို့ခေါ်တဲ့ အဖွဲ့က ကမကထပြုလုပ်ကျင်းပပေးမယ်လို့သိရပါတယ်။
အသေးစိတ်ကိုတော့ ဒီမှာ ပဲကြည့်လိုက်ကြပါဗျာ။ ကျွန်တော်ရေးမယ့်အကြောင်းက အဲဒီအကယ်ဒမီပေးပွဲ အတွက် လူတွေဘယ်လို ဝေဖန်ကြလဲဆိုတာကိုပါ။ ပထမဦးဆုံးအနေနဲ့ ဒေါက်တာလွဏ်းဆွေ ရဲ့ဘလောခ့်မှာ ပြင်းပြင်းထန်ထန်တိုက်ခိုက်ထားတာတွေ့ရပါတယ်။ ဒေါက်တာအမည်တပ်ပြီး မိန်းမလိုမိန်းမရ အရေးအသားနဲ့ မြန်မာစာကိုသုံးထားတဲ့အသုံးအနှုန်းတွေက ဘလောခ့်ပေါ်မှာ ထမိန်စွန်တောင်ဆွဲပြီး ဆဲနေတဲ့ ငါးစိမ်းသည်တစ်ယောက်အလား ဖြစ်နေပါတယ်။ ကျွန်တော် အဲဒီစာရေးသူကိုမသိပါဘူး။ ဒါပေမယ့် အသက်ကြီးပိုင်းထဲက ပုဂ္ဂိုလ်တစ်ဦးဖြစ်မယ်လို့တော့ထင်ပါတယ်။ ကျွန်တော့်လို့ လူငယ်တစ်ဦးတောင်မရေးဝင့်တဲ့ အရေးအသားတွေကိုမြင်ရတော့ အတော့်ကိုအံ့အားသင့်သွားပါတယ်။ ဝေဖန်တယ်ဆိုတာကတော့ လူတိုင်းလုပ်ပိုင်ခွင့်ရှိတဲ့ အလုပ်တစ်ခုပါ ဒါပေမယ့် ဝေဖန်တဲ့နေရာမှာ အပြုသဘောဆောင်တဲ့ဝေဖန်ချက်တွေသာ အလုပ်ဖြစ်တယ်ဆိုတာမေ့မထားသင့်ပါဘူး။ ဝေဖန်တာနဲ့ ဆဲရေးတာကို ကွဲပြားသင့်တဲ့ အသက်အရွယ်ရှိမယ်လို့လဲထင်ပါတယ်။

နောက်ထပ်ပြီးတော့ အဲဒီပိုစ့်မှာ ရေးထားကြတဲ့ အချို့သောသူများရဲ့ Comments တွေမှာလဲ မဆီမဆိုင် ဝေဖန်ထားကြတာကိုတွေ့ရတယ်။ MBA က အချောင် ဒိုင်ပင်ထိုးပြီး ဘလောခ့်လောကမှာ ဆရာလုပ်ချင်တာတဲ့ MBA ကို ကျွန်တော်မသိပါဘူး။ ဒါပေမယ့်ဘလောခ့် လောကမှာဆရာလုပ်ချင်နေတာလို့စွပ်စွဲရလောက်အောင် ဘလောခ့်လောက ကရောဘယ်လောက်နာမည်ကြီးလို့လဲဗျာ။ ကျွန်တော့်ရဲ့ ဘလောခ့်ကာ တစ်ယောက်အပေါ်အမြင်တွေကို သိချင်ရင် ဒီမှာ ဖတ်နိုင်ပါတယ်။ အဲဒါလေးဖတ်ပြီးရင် ဘလောခ့်ကာ ဆိုတာဘာမှမဟုတ်မှန်းသိကြမှာပါ(ဘလောခ့်ကာဆိုတာဘာကြီး ညာကြီးဆိုပြီးထင်နေကြသူများအတွက်သာ)။ ဆုပေးတဲ့အဖွဲ့တွေကိုသာ ဒိုင်ပင်ပစ်ဝင် အချောင် ဆရာဝင်လုပ်ချင်နေတာလို့ထင်နေရင် နိုဘယ်ဆုကိုရော ဘယ်လိုသတ်မှတ်မလဲ။ နိုဘယ်ဆုမရှိလဲ လူတွေကသူ့ဘာသာ တီထွင်ဖေါ်ထုတ်နေကြမှာပဲမဟုတ်လား။ ကျွန်တော် စဉ်းစားမရတာက မြန်မာတွေဘာကြောင့် မြန်မာအချင်းချင်းကြိုးစားအားထုတ်မှုကို အားပေးတာမျိုးမရှိရတာလဲ။ နိုင်ငံခြားကိုမှအထင်ကြီးတာလား။ နိုင်ငံခြားကပေးတဲ့ဆုမှ ဆုလို့သတ်မှတ်တာလား။ နိုင်ငံရေး အတွက် ဘလောခ့်လုပ်နေတဲ့ ဘလောခ့်ကာများရဲ့ လုံခြုံရေးကို စိုးရိမ်တာမျိုး ဆိုရင်လဲ ဆုရတဲ့အခါ အခြေအနေအရဆုမယူပဲ မည်သူမည်ဝါ ဆုရသွားတယ်ဆိုတာမျိုးလောက်ပဲလုပ်ပေးပါလို့တောင်းဆိုရင် လုပ်ပေးမယ့်အနေအထားရှိပါတယ်။ ဘလောခ့်ကာ ရဲ့အမည်မှန်နဲ့နေရပ်လိပ်စာအတိအကျပေးရမယ်လို့ အတင်းအကြပ်တောင်းဆိုတာမျိုးမတွေ့ဘူးပါ။ ဆုပေးတဲ့အဖွဲ့အနေနဲ့လဲ ပွဲတစ်ခုခုလုပ်တော့မယ်ဆိုရင် ကြိုတင်အစီအစဉ်ချ စနစ်တကျလုပ်ဖို့သင့်တယ်လို့ထင်ပါတယ်။ အခု လုပ်တဲ့ပွဲမှာ လိုအပ်ချက်တွေရှိနေသေးတာတွေ့ရပါတယ်။ ဘလောခ့်စာရင်းကို အသစ်ဖြည့်တာမဲပေးမှုတွေမစခင်ကတည်းကလုပ်သင့်ပါတယ်။ Vote System အနေနဲ့ကတော့မပြောလိုပါဘူး။ ဘယ်နိုင်ငံမှာမှ Online voting ကို Fair ဖြစ်အောင်မလုပ်နိုင်သေးပါဘူး။ နည်းပညာရဲ့အားနည်းချက်ကိုထောက်ပြီး MBA ကိုမဝေဖန်သင့်ပါဘူး။ MBA ကို ကျွန်တော်မသိသလို အကယ်ဒမီပွဲကိုလဲ လေ့လာသူအဖြစ်ထက်ပို စိတ်မဝင်စားပါဘူး။ ဒါပေမယ့် မြန်မာလူငယ်တွေ နည်းပညာအကြောင်း စိတ်ဝင်တစားရှိ်ကြတာသိရတော့ ဝမ်းသာအားရဖြစ်မိပါတယ်။ ဒါကြောင့် စိတ်ထက်သန်စွာလုပ်ဆောင်နေကြတဲ့ လူတွေကို အားမပေးရင်ဘေးထွက်ထိုင်ပေးလိုက်ပါ။ ဆဲထုတ်တာမျိုးတော့မလုပ်ကြပါနဲ့လို့ တိုက်တွန်းလိုက်ပါတယ်။ မဟုတ်ရင်တော့ ဘလောခ့်ကာ လူကြမ်းဆု ဆိုပြီးထပ်ပေးနေအုံးမယ်ဗျ။

ဆက်ကြည့်ရန်...